Laerskool Fochville

Laerskool Fochville, beter bekend as die “blou skool”, is geleë in die pragtige dorpie Fochville.

Ons verwelkom u by ons skool, waar u kan uitsien dat u kleinding mooi jare by Laerskool Fochville gaan deurbring. Verder streef ons om ons gemeenskap se normes en waardes te handhaaf. Ons is ‘n skool met ‘n trotse karakter wat woordgedrewe is.

‘n Skool, waar kaalvoetkinders gelukkig, gekoester en geanker is. ‘n Gebalanseerde kind, is ‘n gelukkige kind. Daarom bied die skool geleenthede op verskeie gebiede aan om so ver moontlik in die kinders se behoeftes te voorsien en hul volle potensiaal te ontwikkel. By ons skool is dit vir ons belangrik om ook die kind se volle menswees te ontwikkel.

Ons kan met trots sê dat ons goed opgeleide, asook toegewyde personeel dit moontlik maak om ‘n hoë standaard te handhaaf. Waar vernuwing en ‘n hoë standaard van onderrig ononderhandelbaar is. Ouers en onderwysers vorm vennote, sodat die skool en ouerhuis mekaar aanvul om ‘n omgee-atmosfeer te handhaaf.

Vir my as hoof van Laerskool Fochville is die skool, sy kinders en gemeenskap my passie en ek streef daarna om te alle tye toeganklik te wees vir alle leerders van die skool. Ek glo aan ‘n oop deur beleid.